完

- 還有幾天就過完2009lu , 今年自己最大得到既技能係考左車牌 其他呢??無wor ~~ 今年亦都去左唔少地方旅行^^ 還有好多地方仲要征服 >> 馬星, (畢)京, 上海 ,大板,沖蠅..... 最重要係承諾大家 3月 泰國之旅  <<期待!! 下一年仲有咩目標呢 ?? 學日文定學.... 有時間要去下工聯會之類既地方學多d野傍身先得 ~~  暫時目標就係 籌備泰旅 la hahaha

- 媽子就快生日lu 唔知31號佢想去邊到食呢 生日禮物就準備好了 雖然今年既cost不及上年, 但我知佢都會鐘意既 <<呃自己 hahaha

- 呢幾日聖誕都用左唔少$$ 參加唔少活動~~ 攪到今個月無咩儲過$$ , 下個月好彩有份雙糧 >><< 入多d先得 今年我地係尖咀coffee有聖誕party, 嘩 有張包返左黎呀 !! 仲有 eson唔知做咩自動出現 ..>> 因為張包?? 不過點都好 我好開心 今年我同eson 肥傑 狗 張包.. 相識10週年 其他都有8,9年  開心係因為我地由中一一齊玩 , 而家都仲係一齊玩  我覺得人大左出面識既朋友 點都係有點兒..因此我好珍惜佢地連班豬朋狗友 ~~ 今次活動仲帶左我地既活動照片 比佢地睇返 肥狗以前中一係咁瘦架? 肥傑點解叫肥傑 ? 其他有d相係果時用菲林機影架~~ 我無record ,因此好珍貴架 ~~ 希望20週年果時我地仲有一齊玩la~~ 不過唔係世界滅亡咩?? 

- 仲有boxing day 去左賺物節 好多人好迫好多野買但我無銀無買 with 佢 同佢d fd 之後坐船到左尖咀一間pizza到食晚飯 都幾好食 之後就一齊去左果個 沙林道飲野 都係同佢&佢d fd ~~ 玩下大話色飲返杯又過左一日

- 係wor 平安夜 就係 同昇&佢兩個 fd 飲野係屯門 , 飲到我都啤啤夫 本身都無諗過出去 , 不過佢打黎話聖誕果日黎唔到我地既party , 仲有叫我陪佢飲野 , 咁咪去囉 , 第二朝返工 仲差d遲到呀... 我地玩大話色贏左可以問對方一題問題, 要如實作答架, 咁樣都好似幾好玩wor~~

- 聖誕 d 相係face book 有好多了 呢到post dd la

凍

- 好耐都未黎打下tim , 呢個12月嘩咁快又無左一半 , 最近天氣又轉凍返, 都好既, 咁樣先似個冬天~~

- 同表妹慶生送左個蛋糕usb手指比佢 , 佢話好aim駛 ^^ , 最鐘意呢種揀到一份適合人地既生日禮物 haha

- 呢個月有陳奕迅演唱會飛, 幾經打電話既努力>>佢打既, 都買到佢既飛lu yeah!! 本身只想買最平果種180 , 但又買晒... 480又比唔起...唯有買同180差唔多既280... 點都好 , 都係買到丫

- 尋日睇醫生 , 睇條腰, 拎d 止痛藥 , 都痛左有成個幾星期.... 呢鋪 我諗我真係勞損左tim...要搵d運動做下先得~~其實可以係公司睇醫生既, 最主要想拎日假, 同佢去廸廸尼~~ 今次係第二次 , 我地無玩晒d gmae 呀 , 旨在玩下行下,  睇大x遊果時,有d"雪"飄落黎, 都幾正架~~ 我地又有參加果個畫畫班 , 畫左維尼呀 , 我果隻應該靓d 囉~~玩完果晚就入返屯門join埋飯睇阿煩達 < 果故仔真係幾正 , 視覺都好 , 係我心中係今年既no1,2囉~~ 風雲2都睇左>>...同期望有差佢

- post 返d廸廸尼相

  <<佢份聖誕禮物...但今年佢無送比我..

樂

- 一如topic所示, 呢排好開心, 有唔少人同我慶祝生日 , 真係好多謝你地 正日晚上同佢食飯,之後第二日有大kind請食lunch+打winning,之後夜晚就係大榮華同媽子表妹佢地食飯,第三晚就有家車請食酒泉,到第四晚有云狗飯傑薇丸昇丁bennis打邊爐跟住網吧打機~~ 真係一個好豐富既星期~~ 同時都玩到好倦 , 不過i like it~~ 仲有想同大家講 歲月不饒人 珍惜現時你擁有既野 今年收到既禮物有i pod nano, 巴塞波衫 , polo-t , um1 hand phone , 利是 ~~

- 尋晚返左大6飲二媽果細佬果餐@下沙 成年幾兩年無返過去 , 變左好多囉~~

慶

- 終於都到我生日lu , 哈哈~~ 今年生日我都係有返工既, 同平時無咩分別, 都係有咁多野做既, 係多左聲"你生日呀,生日快樂囉!!" =-= 收五點 ,本身佢話同我係黃金海岸食飯既, 但佢係牛頭角六點收工, 之後入到去我諗都要成7點半, 咁我收五點 , 去到5點九, 咪等到.... 之後就決定改係尖咀食囉, 收工落到尖咀6點半囉, 之後等左陣la 佢七點左右黎到, 跟住就行左去outback食dinner, 去到入去揀左個set黎食 , 應該算係抵, 如果散叫 我諗都要成 5百幾蚊@兩個人 , 呢個set 有扒la 有意粉 有湯 有包 加埋柸野 都係4百左右la , 呢餐最正我覺得係個包同湯囉~~ 其他都唔錯 ,  食完就收禮物, 今年佢送左ipod nano 比我呀, ah....都開心既, 因為曾經想買 ,但知道要用itune轉d野 , 覺得麻煩... >< 今次唔駛錢, 就用下la 哈哈, 多謝你呀 , 今年完全唔知你會送d咩比我,仲有d擔心. 最後都收到一份ok既禮物比我~~ 已經第5年你同我過生日, thx 你對我既... 唔講咁多 , 吃完行左陣尖咀想買衫既, 但睇唔中, 之後就9點搭西鐵回家,試用ipod, 嘩,幾經嘗試開始明明地個itune~~ 還有呢幾日很多人都會同廢祝~~哈 真好~~

寒~~

- 四日遊韓終於完成左, 返到黎有dd 病 tim , 跟住睇公司醫生拎假就閃返屋企 , 係巴士到訓到成隻豬咁, 用左成2粒鐘先返到屋企, 因為汀九唔比巴士行 , 攪到要用咁多時間, 算la我都係想回家sleep~~ 講返果四日先 , 第一日夜晚10點半機場集合, 原來成團人有39 呀 , 好多呀 係4+5天團黎架 , 之後就搭飛機 , 超好訓 , 飛機餐都唔想食tim , 差唔多6點到仁川機場, 上旅遊巴, 原因韓國跟團會有埋攝影師架 , 仲有埋佢既助手tim, 領隄+導遊小姐+攝影兩人+司機有5個人service我地呢團, 第一站see la la 浸溫泉 wo , 因於太早 係果到暖粒粒咁訓左陣 . 之後hea左陣 又浸左陣 咁就半日~~ 之後到左一個韓國既博物館 , 嘩 , 好多飛機大炮坦克呀, 唔知係咪假, 唔理咁多lu , 影左先算, 有我至愛既雪曼呀~~ 黠可以唔同佢影泥~~ 之後就lunch 人參機, ok la味道, 條參短到丫, 食完往東大門行街, 果到d同旺中無咩分別 ,行完晚飯, 晚飯係韓窩, 佢係得豬肉比我地整黎食, 食完係seven買左條好好味既雪條 , 係蜜瓜味黎架~~ 回酒店 第一日完 , 第2day  , 先到小人國wor , 有全世界聞名d building 縮細版, 遊完呢到再到一個唔知咩既免稅店, 跟住luch 係韓燒 , 都幾好食 , 可能凍到喂口都好埋, 果日我記得係得幾度, 之後就上南山遊首爾塔,小熊館 ,落山去明洞行街 , 嘩 , 好多化妝品店, 呢站係佢喪買既時間 , 買呀買呀買呀 ,買左成晚 ,咁又一日 , 第三日去玩整泡茶 , 之後出面有得玩著韓服影相, 跟住午餐食海鮮 好味呀長腳蟹又氮氮肉~~ 之後落左新村行街 , 買左條e v so 好抵呀~~ dinner係春川炒雞,  都好味既~~ 回酒店又一日 , 第四日離團自遊行 , 先到景福官一帶睇下影下 呢日係得零下2度 , 凍到手都僵 , 相都唔想影, 之後去左樂天market買野, 好似我地以前既家樂福,咩都有~~ 之後買完再到南大門市場行左陣, 跟住就join埋其中兩個團友 , 一齊打的join返整團 搭旅遊巴往機場回港, 回港又打八折的回家 回到家整埋d野成一點訓, 四日遊韓完結了, 雖然玩到病病地返, 但呢次遊韓都玩得開心既,韓國比我想像中ok., ~~  下一站去邊呢??

- 好快好快就到~~ 唔知今年又點過呢?